Kerobiak, gaur bertan aurkezu du “Papera eta Kartoia” diska berria. Lan hau, Materia Organikoa eta Gainerakoak diskarekin hasi zen trilogiaren bigarren atala bilakatu da eta zazpi abestiz osatuta dago:
- Oreka ezina zen indibiduo baten azken pentsamenduak
- Le monde est cruel et jai ete un connard
- Gris, Triste, zoriontsu egun bat
- Nondik irtetzen da barrura
- Horma txurira hil da
- ()
- Esaldi sinple bat galdera handiegirako
Kerobiaren azken lan hau libreki deskargatu daiteke euren webgune ofizialetik, dendetan eta GOR diskaetxearen bitartez erosteko aukera izan arren. Orain, ‘Papera eta Kartoia’ entzuteko garaia heldu zaigu, gozatzeko garaia baita ere.
Informazio guztia | Kerobia
Jeitsi | Papera eta Kartoia
Zabildu
Erlazionatutako sarrerak
Berri Txarrak-ek Roadrunner Records diskoetxe famatuarekin hitzarmena sinatu du, nazioarteko diskoetxeak taldearen disko berria kaleratu dezan. Dakizuenez, Berri Txarrak taldearen diska berria irailean kaleratuko da eta Steve Albiniren ekoizpenaren ikutua izango du.
Beraz, hirukote nafartarra Roadrunner diskoetxearen etxean sartuko dira eta GOR diskoetxearen ateak itxiko dituzte bost diska eta azken DVD bat beraiekin kaleratu ondoren. Irailerarte gutxienez, horrelakoa da Berri Txarrak-en diskografia 12 urtetan zehar:
- Jaio.Musika.Hil (2005)
- Libre © (2003)
- Eskuak / Ukabilak (2001)
- Ikasten (1999)
- Berri Txarrak (1997)
Iturria | Berri Txarrak
Zabildu
Erlazionatutako sarrerak
Kauta taldeak Donostiako Antzoki Zaharrean egongo da Abenduaren 26an “Isladak” diska berria publiko aurrean aurkezteko. Kontzertua gaueko 22.00etan izango da eta sarrerek 5 eurotako prezio merkea izango dute.
Kontzertu hau Gabonak Zuretzat programaren barruan Udaleko Gazteria eta Giza Eskubideen atalak eta Donostia Kulturak antolatutako ekitaldia. “Isladak” Kautaren hirugarren lana da eta Gor diskoetxearekin kaleratu dute. Taldearen hurrengoko kontzertuak hauek dira:
- Abenduak 27 - Vianako Polikiroldegian - 22.30
- Urtarrilak 10 - Hatortxurock (Berriobeitia) - 22.30
- Urtarrilak 17 - Bonberenea (Tolosa) - 22.30
- Urtarrilak 22 - Bilboko Kafe Antzokian - 22:30
Zabildu
Erlazionatutako sarrerak
Orain dela egun batzutzan, GOR diskoetxeak Durangoko Azokan aurkeztuko dituen nobedadeak azaldu genituen: Kauta, Sharon Stoner eta Gora Japon taldeen diskak hain zuzen ere.
Baina dirudienez, GOR-ren web gunean irakurri dezakegunez, euskal talderen lau aurkezpen gehiago egongo dira:
- EZINEAN - “Zuretzat”. Azpeitiako taldeak melodia eta erritmo biziz beteriko disko berri batekin zur eta lur utzi gaitu berriz ere. Laukoteak argi eta garbi uzten du behin eta berriz, haiek disfrutatzeko helburu simple eta irmoarekin egiten dute musika.
- LAUROBA - “Gauari Gauarekin”. Lauroba Gipuzkoako hiriburutik datorkigun pop-rock taldea dugu, pop kutsuko melodiak rock ildoko erritmoekin era bizi batean ezin hobe nahasten dituzte. Gauari dedikatu diote euren lehen diskoa, gauez izandako bizipenak eta bizipozak era liriko batean deskribatzen dituztelarik.
- HESIAN - “Herriaren Oihua”. Etxarrin zentro neurologikoa duen talde gaztea dugu honako hau. Zortzikoteak kantu dantzagarriz osatu du diskoa; bertan hardcore zein punk-rock erritmoak haize sekzioarekin eta gizon-emakume ahotsen konbinazioarekin borobildu egiten dira.
- ZURA - “Kiribil”. Hondarribikoak gogotsu datoz atera berri duten bigarren disko honekin. Taldearen bigarren diskoa euskaraz egindako bossanova diskoa da, iturri desberdinetatik edaten duen bossanova berritzailea.
Asteburu honetan denok Durangoko Azokara!
Zabildu
Erlazionatutako sarrerak
Atalak: 
Etiketak: 
