Anger taldeak bere azken lana, Sedukzioaz Andoaineko Gaztetxean aurkeztuko du, martxoaren 6an larunbata gaueko 22:30etatik aurrera, Arrasateko Gose taldearekin batera. Anger jada hamarkada bat baino gehiago darama musika munduan, rock, hardcore ederra egoten ohi da beraien zuzenekoetan; aipatu beharra duela hilabete batzuk Durangon ospatu zen Ekonfest! jaialdian izan zirela diska berri hau aurkezten.
Gose, Arrasateko hirukote bitxia, euskal musikan gauzak berriak egiten ari diren talde gomendagarria. Jada zenbait urte daramatzate oholtza gainean eta zenbait disketan Francis Diez (Doctor Deseoko abeslaria) izan dute lagun moduan. Trikia, elektronika eta punka nahastuz gero, Gose izango dugu entzungai, aipatzekoa ere, Japonian duten arrakasta eta ondorioz bertan egingo duten bira.
Erlazionatutako sarrerak
Atalak: Agenda, Elektronika, Euskal Taldeak, Kontzertuak, Metal, Punk, Rock 
Etiketak: Andoain, Anger, Gose, sedukzioaz 
