Hauxe irakurtzeko aukera izan dut bIDEhUTS zigiluaren webgunean:
Egutegia begiratu, eta Aste Santu hasiera hori markatu dugu. Lehen bi egunak. Martxoaren 31 eta apirilaren bata.
Tokiarekin zalantza gutxi, zerbait beroa nahi genuen, intimoa ere, soinu onekoa eta agertoki txukuna izango zuena. Hondarribiako Psilocybenea.
Hauxe Plana;
PSILOCYBENEA
Hondarribia
Martxoak 31, gaueko 10etan
Gora Japon
Anari
Apirilak 1, iluntzeko 8tan
Pintxoak eta musika
Gaueko 10etan
Willis Drummond
Audience
100 sarrera jarriko ditugu aldez aurretiko salmentan eta beste 100 lehiatilan bertan salduko dira. Sarrerek aldez aurretik zein bertan 8 euroko prezioa izango dute. Aldez aurretikoak erosteko modua honakoa da. denda@bidehuts.net helbidera email bat bidali eta zenbat sarrera nahi dituzun esanez eta zenbat diru eta nola ordaindu behar duzun erantzunez idatziko dizugu.
Sarrerak egunean bertan lehiatilan jasoko dituzue. Behin ordainketa jasoa gure mezu bat jasoko duzu eragiketa baieztatuz
Argi dago orduan azkar ibili beharko garela aste santuan kontzertu ikaragarri hauetan egon nahi badugu. Jakin behintzat badakizue, orain zuen esku dago asuntua.
Zabildu
Erlazionatutako sarrerak
Gaur Zarautzeko Lizardi Antzokian izango dugu Anari azkoitiarra, duda gabe musikaz gozatzeko aukera paregabea Udaletxeko Kultura Sailak antolatu duena. Gaueko 22:00tan ospatuko da kontzertua eta sarrerak 5€ren truke lor daitezke Sanz Enean.
webgune ofiziala | anari |
Zabildu
Erlazionatutako sarrerak
Akordatzen naiz behin Durangoko azokan Ama Say-ren bigarren diskoa biniloan ez al zeukaten galdetuta Angel Valdesek mostradorearen beste aldetik “zertarako?” erantzun zidala, “biltegian pilatzeko?”. Bistan zena, CD-aren negozioa benetan zetorren baina artean etsia hartu gabea ni, inozoa ni. Gerora, CD-ekin osatu behar izan dut esaterako Mikel Laboa edo Ruper Ordorikaren bilduma, nahiz eta bertako zein batez ere kanpoko beste askorekin arazorik izan ez LP-ekin jarraitzeko. Asko poztu nau beraz Anariren Isla izan hau biniloan kaleratuko dutela jakiteak eta atsekaberik gabe osatuko dut kolezioa formatu zahar honetan. Ez dakidana, joera berri honek zeri erantzuten dion, modari, diru sarrerei, bezero zenbait goxatzeari edo kasuan kasuko artistaren kapritxoari.
Diskoaren edukiari gagozkiola ere pozarren egoteko moduan gara. Soinu bikaina eta talde usaina darie kantuei, mina eta tentsioa. Kantu sorta baino, kantuz osatutako zer handiago bat. Alardeetarako lekurik gabe, soinua trinkoa da, lelo eta esaldi errepikakorrik gabe, Anari ez da gelditzen, kedarik egin gabe doa bere erretolikan,liburua kapituluz kapitulu irakurriko balu bezala. Hitzetan ere, badirudi kantu batean hasitako korapiloari, bestean ematen diola segida, eta hiru edo laugarrenean ere erremate bila diharduela. Ez dago umorea edo mezu lasaigarrientzat leku askorik. Beldurra nonahi, amildegiak, komunikatu ezinak, denborak dakarren higadura. Zoriona izatekotan erregresiboa.
Kantuak aitatzekotan salbuespen direnak aitatuko nituzke. Adibidez, hiruko erritmoan ez dauden bakarrak, Iceberga eta Distantzia. Azken honek batez ere izugarrizko arnasa ematen dio diskoari. Salbuespena deritzot Bidea eta Denborari ere, disko osoan presente dagoen zu hori aitatu gabe patxada ederrean egiten baitu aurrera, itolarri handirik gabe eta entzunaldi bakoitzean ederrago. Gainontzekoetatik Ihia bereiziko nuke, hain oldarkor eta egiati, bai eta Eskuineko Bihotza ere, bukaera haizetsu horrekin Nick Cave gogora ekarriz.
Erreferentzia zenbait nabarmen egin zaizkit. Hasteko, bistan dena, bere bandarena. Gutxik dute halako soinua eta kontundentzia gurean, nola Anarirekin, hala Inoren Ero Ni bezala dihardutenean. Bestetik, Thalia Zedek ere beti present balego bezala sentitu dut, hura ere hiruko tenpo hauen zalea. Azkenik esaldi luzeak melodietan josteko eran Ruper Ordorikaren ohiartzunak somatu ote ditudan, batez ere Isla kantuan. Nire irudipenak…
Hasierako gaiari berriz helduta, desiatzen nago binilozko bertsioa eskuratzeko, iruditzen baitzait kantuok, CDak eman ahala, denak segidan entzunda, halako betekada bat eragin dezaketela, musikaren trinkoak eta hitzen erredundantzia dela eta. Biniloaren entzuketa zatikatuak edo zuzeneko errepertorio nahasiak are mesede egingo dielakoan, zai nago ea parean noiz egokitzen zaidan.
Zabildu
Erlazionatutako sarrerak
Hona hemen Gasteizko Jimmy Jazz aretoan egingo diren hurrengoko kontzertuak:
- Azaroak 13, ostirala: Berri Txarrak + Bronze
- Azaroak 14, larunbata: Che Sudaka
- Azaroak 15, igandea: Stanley Brinks (André Herman Düne) with Freschard & Ish Marquez
- Azaroak 19, osteguna: Anari (Irla Izan diska aurkezpena)
- Azaroak 20, ostirala: KEROBIA + Malenkonia
Zabildu
Erlazionatutako sarrerak
Anarik diska berria kaleratuko du ostegun honetan, urriak 29. ‘Irla Izan‘ deituriko diska berri hau Bidehuts-ekin plazaratuko da eta dagoeneko ‘Harriak‘ abestia entzuteko aukera daukagu bidehuts webgunean edo Anariren Myspace-an.
Anariren lan berri honetaz gozatzeko para izateko, kontzertu ugari egingo dira euskal herriko zenbait txokotan:
- Azaroak 5 - Donostia, Gazteszena
- Azaroak 12 - Bilbao, Kafe Antzokia. + Mursego
- Azaroak 19 - Gasteiz, Jimmy Jazz
- Azaroak 28 - Igorre
- Abenduak 11 - Berriozar
- Abenduak 18 - Durango, Plateruena Kafe Antzokia
Myspace | Anari
Informazio guztia | Bidehuts
Zabildu
Erlazionatutako sarrerak
Atalak: Euskal Taldeak, Jaialdi 
Etiketak: anari, Audience, Bidehuts, Gora Japon, psilocybenea, willis drummond 
