Gaurkoan ederra antolatu dute Trintxerpeko Mogambo aretoan, Russian Circles eta Barents talde ospetsuak izango ditugu beraien musika bereziarekin, gaueko 20:00etatik aurrera. Duela aste batzuk jarri zituzten sarrerak salgai, baliteke oraindik baten bat erosteko aukera izatea baina duda gabe, kontzertu ikusgarria izango da, leku nahiko txikia eta Russian Circles bezalako talde berezia; aipatu beharra dago Euskal Herrian izan direla, Bilboko L’Monon esaterako.
Gaur Zarautzeko Lizardi Antzokian izango dugu Anari azkoitiarra, duda gabe musikaz gozatzeko aukera paregabea Udaletxeko Kultura Sailak antolatu duena. Gaueko 22:00tan ospatuko da kontzertua eta sarrerak 5€ren truke lor daitezke Sanz Enean.
Saskibaloi Errege Kopa dela eta, asteburu honetan “San Miguel Copa Music Festival 2010” jaialdia izango dugu Bilboko Kafe Antzokian. Kontzertuak atzo hasi ziren Kopako lehen partidekin, Betagarri eta Akatz taldeekin, eta gaurtik igandera 6 talde gehiago igaroko dira eszenatoki gainetik:
Otsailak 19: Los Coronas + The Nu Niles. 12/14 €. 23:45h.
Otsailak 20: La habitación roja + Depedro. 12/14 €. 22:30h.
Otsailak 21: Tote King + Chacho Brodas. 12/15 €. 21:30h.
Bartzelonako Delafé y las flores azules (lehenago Facto delafe y las florez azules) “vs Las Trompetas de la muerte” diska berria kaleratuko du martxoaren 23an. Aurrerapen bezala, hona hemen “Espiritu Santo” kantaren bideoklipa:
Atalak: Agenda, Euskal Taldeak, Indie, Kontzertuak, Metal, Rock 
Etiketak: barents, geneva, Mogambo, russian circles 
